В НАЧАЛЬНОЙ ШКОЛЕ ПРОШЛО МЕРОПРИЯТИЕ, ПОСВЯЩЁННОЕ ДНЮ ГОСУДАРСТВЕННОГО ЯЗЫКА, КОТОРЫЙ ОТМЕЧАЕТСЯ 23 СЕНТЯБРЯ В КЫРГЫЗСКОЙ РЕСПУБЛИКЕ

23-Сентябрь – Мамлекеттик тил күнүнө карата мектепте өткөрүлгөн иш-чара

Иш-чаранын аталышы: Кыргыз тилим – көөнөрбөс, өчпөс дилим

Өткөрүлгөн күнү: 18-сентябрь 2025-жыл

Жайгашкан жери: №61 ЖББМ башталгыч класс

Иш-чаранын максаты: 

Кыргыз тилине болгон сый-урматты күчөтүү, окуучулардын эне тилге болгон кызыгуусун арттыруу жана мамлекеттик тилди өнүктүрүүгө салым кошуу.

Иш-чаранын жүрүшү: 

Иш-чара КРдин Мамлекеттик  гимни менен башталды.

Мамлекеттик тил боюнча директордун орун басары Рыскельдиева Нургуль Азизовна куттуктоо сөзү менен иш-чараны ачып берди.

Катышуучулар:      

1– 4 -класстын окуучулары, мугалимдер жана ата-энелер.

Иш-чаранын биринчи бөлүмүндө 4-Б классынын окуучулары Мирлан Самыйкожонун “Бирик” аттуу чыгармасын сахналаштырып беришти. Чыгарманын мазмунуна ылайык кыргызды кыргыз кылып сактап келген баалуулуктарын даңазалап, көргөзүп беришти.

Иш-чаранын жүрүшүндө кыргыз тилине арналган көркөм окуу сынагына келген калыстар тобу менен таанышып, майрам андан ары улантылды. 4-классынын окуучулары улуу инсандардын учкул сөздөрүн айтып беришти.

2-В классынын жаш манасчылары манас айтышты, 4-В классынын окуучулары “Кара жорго” бийин бийлешти. 4-В классынын окуучусу Шумкарбеков Азим комузда кол ойнотту. Иш-чаранын негизги бөлүгүндө 3 – 4 -классынын окуучулары кыргыз тили жөнүндө ырларын көркөм окуду.

Калыстар тобу катышуучуларды төмөнкү критерийлер менен баалашты:

• артисттик чеберчилик;
• дикция;
• форма.

Сынакта жогору упай топтогон окуучулар  грамота менен сыйланышты.

Иш-чарада мыкты деп тандалган, окуучулардын аткаруусундагы номерлер тандалып, 23-сентябрда боло турган салтанаттуу линейкада көрсөтүлдү.

Иш-чара жогорку деңгээлде өтүп, окуучулардын активдүүлүгү байкалды. Кыргыз тилине болгон кызыгуу күчөдү жана патриоттук сезимдер ойгонду.

Жооптуу мугалим: Токтогонова Чолпон Авиповна